兑换亭（油画 姚志伟）
30年代上海滩，南京路旁边，有较关洋钿兑换亭。来兑换钞票额大多数是黄包车夫和做小生意额人。格点人对钞票（纸币，甚至钱庄的庄票、支票等）是勿忒相信额，伊拉认为最可靠额还是银洋钿和银元，捏了手里有份量，格搿才是伊拉认为货真价实额财富。纸币怕明朝要贬值，奈了手里夜到头会困勿着觉。
格个辰光一枚铜板可以买十粒糖果、或者大饼油条一付。如果去城隍庙白相，一枚铜板可以买一块梨膏糖，两枚铜板买一碗酒酿圆子，四枚铜板买一碗大肉面，肉又大又厚，份量十足，不像现在额肴肉面，肉片比纸头厚一点点，邦老底子是不好比额。
当时额上海滩，市面上流通额货币勿统一，既有银两、银元，又有各种铜板和贬值额钞票（中国银行、交通银行等发行额纸币，通常打七折使用）。银元是当时额流通货，讲起来有好几种，来历又各不相同，其中有袁世凯元、龙元、孙中山元之分，用起来牢勿便当咯。后来流通额银元，通常为白银，其中银额最标准额是墨西哥银元，因其正面有一只鹰而被称为“鹰元”，上海人又称之为“洋钿”。
清末时期，清廷从外国引进机器铸造银币，正面刻了一条龙所以称为“龙元”；到了民国，袁世凯上台又铸造了新银元，银元正面有一只老大额袁世凯颗郎头，格就是大名鼎鼎额“袁大头”。
